Loading
Get Hotdeal
Get Hotdeal
Get Hotdeal
Sri Rengaraja Talkies - Trichy Bairavaa Watch Trailer
Jothidam
Womens Day
Home >> Trichy >> சனி பெயர்ச்சி பலன்கள் - 2014>> விருச்சிகம் சனி பெயர்ச்சி பலன்கள் - 2014

விருச்சிகம் - சனிப் பெயர்ச்சி பலன்கள் (16.12.2014 முதல் 17.12.2017)

Sani Peyarchi Palan  - 2014
  • ராசி
  • :
  • விருச்சிகம்

  • நட்சத்திரம்
  • :
  • விசாகம் 4-ஆம் பாதம் முதல், அனுஷம், கேட்டை முடிய
  • அதிஷ்ட கல்
  • :
  • பவளம்
  • அதிஷ்ட வண்ணம்
  • :
  • வெளிர் மஞ்சள்
  • அதிஷ்ட எண்
  • :
  • 1, 2, 3
  • அதிஷ்ட திசை
  • :
  • தெற்கு
சுய கௌரவத்தை விட்டுக் கொடுக்காத நீங்கள், கொள்கை பிடிப்புடன் வாழ்பவர்கள். இதுவரை உங்களின் ராசிக்கு பனிரெண்டில் அமர்ந்து கொண்டு அடுக்கடுக்காக பல பிரச்னைகளையும், தூக்கமின்மையையும் தந்த சனிபகவான் இப்பொழுது 16.12.2014 முதல் 17.12.2017 வரை உள்ள காலக்கட்டங்களில் ராசிக்குள்ளேயே ஜன்மச் சனியாக அமர்கிறார். ஜென்மச் சனி என்ன செய்யப் போகிறதோ! என்றெல்லாம் அஞ்சாதீர்கள். சனிபகவான் உங்களுக்கு திருதியாதிபதியாகவும், சுகாதிபதியாகவும் வருவதால் ஒரளவு நல்லதையே செய்வார். எவ்வளவு தான் சிக்கனம் பிடித்து சேமிக்க நினைத்தாலும் அடுத்தடுத்த செலவுகளை சமாளிக்க முடியாமல் திணறினீர்களே!
அலட்சியப் போக்கு ஏற்படும். திறமை இருந்தும் கடுமையாக உழைத்தும் அதற்கான பயனைப் பெற முடியாமல் போகும்.  உடன்பிறந்தவர்கள் தக்க தருணத்தில் முன்வந்து உதவுவார்கள். வாழ்க்கைத்துணை நலனில் கவனம் தேவைப்படும்.
கெட்டவர்களின் சகவாசம் கூடாது. காரியம் தாமதமாகிப் பின்னர் நிறைவேறும். நீர் நிறைந்துள்ள, வழுக்கும் இடங்களில்  செல்லும்போது பாதுகாப்பு தேவை. தலைச்சுற்றல், வாந்தி, மயக்கம் மற்றும் தலை சம்பந்தமான உபாதைகள் ஏற்படும்.
மனத்தில் ஏதேனும் சலனம் உண்டாகும். எதிர்காலத்தைப் பற்றியும் மரணத்தைப் பற்றியும் பயம் குடிகொள்ளும்.
என்றாலும் சனி ஆயுள் காரகனாகி ஜன்ம ராசியில் இருப்பதால் ஆயுள் பலம் கூடவே செய்யும்.
குடும்பத்தில் அமைதி குறையும். பொருள் கொடுக்கல்-வாங்கலில் விழிப்புத் தேவை. வீண்வம்பு, வழக்குகளில் ஈடுபடாமல் இருப்பது நல்லது. யாருக்கும் வாக்கு கொடுக்க வேண்டாம். ஜாமீன் போடவும் கூடாது. மறைமுக எதிரிகள் இருப்பார்கள். மதிப்பும் அந்தஸ்தும் புகழும் சற்று குறையவே செய்யும். பிறரது அதிருப்திக்கு ஆளாக நேரலாம். தான, தர்ம காரியங்களிலும் தெய்வ காரியங்களிலும் ஈடுபாடு குறையும். மனக்கவலையால் தூக்கம் கெடும். குறுக்கு
வழிகளில் செல்லலாகாது. பேராசைகளைக் குறைத்துக் கொண்டு நேரான வழியில் சென்றால் நிலைமையைச்  சமாளிக்கலாம்.
பொதுவின் இந்தச் சனிப்பெயர்ச்சிக்காலம் துன்பங்களையும் துயரங்களையும் உண்டுபண்ணுவதாக அமையும் என்பதால் சனிப்பிரீதி செய்து கொள்வது மிகவும் அவசியமாகும். சனிக்கிழமைதோறும் சாயங்கால வேளையில் சனிக்கு
நல்லெண்ணெய் தீபமேற்றி வழிபடுவது நல்லது.