Loading
Get Hotdeal
Get Hotdeal
Get Hotdeal
Manghalam Cinema - Trichy Underworld: Blood Wars (3D) Watch Trailer
Jothidam
ambedkar_NN_Banner
Home >> Trichy >> சனி பெயர்ச்சி பலன்கள் - 2014>> சிம்மம் சனி பெயர்ச்சி பலன்கள் - 2014

சிம்மம் - சனிப் பெயர்ச்சி பலன்கள் (16.12.2014 முதல் 17.12.2017)

Sani Peyarchi Palan  - 2014
  • ராசி
  • :
  • சிம்மம்

  • நட்சத்திரம்
  • :
  • மகம், பூரம் உத்திரம் 1-ஆம் பாதம் முடிய
  • அதிஷ்ட கல்
  • :
  • மாணிக்கம் (Ruby)
  • அதிஷ்ட வண்ணம்
  • :
  • வெள்ளை
  • அதிஷ்ட எண்
  • :
  • 1, 3, 5
  • அதிஷ்ட திசை
  • :
  • கிழக்கு
சொன்ன சொல்லை நிறைவேற்றும் நீங்கள், தன்னை நம்பி வந்தவர்களை ஆதரிப்பீர்கள். இதுவரை ராசிக்கு 3-ம் வீட்டில் அமர்ந்து உங்களுக்கு புது முயற்சிகளில் வெற்றியையும், வசதியையும் பெற்று தந்த சனிபகவான் இப்போது 16.12.2014 முதல் 17.12.2017 வரை சுக வீடான 4-ம் வீட்டில் அமர்வதால் இக்காலக்கட்டத்தில் வாழ்க்கையே கொஞ்சம் சவாலாக தான் தெரியும். உங்கள் ராசிக்கு ஆறு மற்றும் ஏழாம் வீட்டதிபதியாக சனி வருவதால் உங்கள் மனைவிக்கு அடிக்கடி உடல் நிலை பாதிக்கும். சிலர் சொந்த ஊரை விட்டு இடம் பெயர்வீர்கள். அர்த்தாஷ்டமச் சனியாக அமர்வதால் உங்களுடைய அணுகுமுறையை மாற்றுவது நல்லது.
சுகம் குறையும். சொத்துக்கள் சம்பந்தமான வழக்கு, வியாஜ்ஜியங்கள் ஏற்படும். மன அமைதி குறையும். நண்பர்கள்,  உறவினர்களை விட்டுப் பிரிய வேண்டிவரும். வீண் அலைச்சல் கூடும். உடல் சோர்வு உண்டாகும். இடமாற்றமும்  நிலைமாற்றமும் ஏற்படும். தாய் நலனில் கவனம் செலுத்த வேண்டிவரும். எதிரிகள் இருப்பார்கள். யாரிடத்திலும் வெளிப்படையாகப் பழகலாகாது. கால் நடைகளுக்கு நோய் ஏற்படும். விவசாயப்பணிகளில் முன்னேற்றம் காண்பது அரிதாகும். ஜலப் பயணத்தின்போது எச்சரிக்கை தேவை.
ஆயுதங்கள், நெருப்பு, விஷம், மின்சாரம், இயந்திரம் போன்றவற்றால் பாதிக்கப்பட நேரலாம்; எச்சரிக்கை தேவை.  வாழ்க்கைத்துணைவரால் பிரச்னைகள் ஏற்படும். எப்போதும் உங்களை குற்றம், குறை சொல்லிக்கொண்டே இருப்பார்.
பக்குவமாகச் சமாளிக்கவும். செய்து வரும் தொழில் எதுவானாலும் அதில் முழுக்கவனம் செலுத்தினால்தான் முன்னேற்றம் காணமுடியும். அலட்சியப் போக்கு அடியோடு கூடாது. மதிப்பும் அந்தஸ்தும் குறையும். மக்களால் செலவுகள் அதிகரிக்கும். மறதியால் அவதிப்படுவீர்கள்.
தந்தைக்குச் சோதனைகள் சூழும். அவரது முன்னேற்றம் பாதிக்கும். தெய்வ காரியங்களை நிறைவேற்ற முடியாமல் குறுக்கீடுகள் முளைக்கும். தொலைதூரத் தொடர்பின் மூலம் அனுகூலமிராது. மாணவர்கள் படிப்பில் முழுக்கவனம் செலுத்துவது அவசியமாகும். உயர் படிப்பு படிக்க சிலருக்கு தடை உண்டாகும். மூத்த சகோதர, சகோதரிகளின் நலம் பாதிக்கும். எண்ணங்களை ஈடேற்றிக் கொள்ள அரும்பாடுபட வேண்டிவரும். எதையும் சுலபமாக நிறைவேற்றிக் கொள்ள இயலாமல் போகும்.
மொத்தத்தில் இந்தச் சனிப் பெயர்ச்சிக் காலத்தில் சங்கடங்கள் கூடும் என்பதால் சனிப் பிரீதி செய்வது அவசியமாகும்.
ஆஞ்சநேயரையும் ஐயப்பனையும் வழிபடுவது நல்லது.