Loading
Get Hotdeal
Get Hotdeal
Get Hotdeal
Sona Theatre - Trichy Chennai 600028 Second Innings Watch Trailer
Jothidam
ambedkar_NN_Banner
Home >> Trichy >> சனி பெயர்ச்சி பலன்கள் - 2014>> கும்பம் சனி பெயர்ச்சி பலன்கள் - 2014

கும்பம் - சனிப் பெயர்ச்சி பலன்கள் (16.12.2014 முதல் 17.12.2017)

Sani Peyarchi Palan  - 2014
  • ராசி
  • :
  • கும்பம்

  • நட்சத்திரம்
  • :
  • அவிட்டம் 3-ஆம் பாதம் முதல், சதயம், பூரட்டாதி 3-ஆம் பாதம் முடிய
  • அதிஷ்ட கல்
  • :
  • நீலக்கல்
  • அதிஷ்ட வண்ணம்
  • :
  • பழுப்பு நிற
  • அதிஷ்ட எண்
  • :
  • 5, 6, 8
  • அதிஷ்ட திசை
  • :
  • மேற்கு
குனியக் குனியக் குட்டினாலும் கோபப்படாதவர்களே! இதுவரை உங்கள் ராசிக்கு 9-ம் வீட்டில் அமர்ந்து கொண்டு கிடைக்கின்ற வாய்ப்புகளையெல்லாம் தட்டிவிட்டதுடன், கையில் ஒரு காசும் தங்கவிடாமல் துடைத்தெடுத்த உங்கள் ராசிநாதன் சனிபகவான் இப்போது 16.12.2014 முதல் 17.12.2017 வரை உள்ள காலக்கட்டங்களில் 10-ம் வீட்டில் அமர்வதால் புதிய முயற்சிகள் வெற்றியடையும். சதா சர்வகாலமும் ஓடி ஓடி உழைத்துக் கொண்டிருந்த நீங்கள் இனி அதற்கான நற்பலனை அடைவீர்கள். தொலைநோக்குச் சிந்தனை அதிகரிக்கும். மனப்போராட்டங்கள் ஓயும். குடும்ப வருமானத்தை உயர்த்த முற்படுவீர்கள். எங்குச் சென்றாலும் முதல் மரியாதைக் கிடைக்கும். உங்களுடைய நிர்வாகத் திறன், ஆளுமைத் திறன் அதிகரிக்கும். குடும்பத்தில் இழந்த செல்வாக்கை மீண்டும் பெறுவீர்கள்.
தொழில் ரீதியாக இடமாற்றமும் உண்டாகும். பொருள் வரவு கூடும். குடும்பத்தில் நற்காரியங்கள் நிகழும். ஸ்திரமான முடிவுகளை எடுப்பீர்கள். சுதந்திர உணர்வு கூடும். இரும்பு, எஃகு, எண்ணெய் வகையறாக்கள் லாபம் தரும். பொதுப்பணிகளில் ஈடுபாடு உள்ளவர்களுக்கு நற்பெயர் கிட்டும்.
வெளியூர், வெளிநாட்டுத் தொடர்புகள் பயன்படும். எதிர்பாராத செலவுகள் ஏற்படும். சிக்கனமாக இருப்பது நல்லது.  நண்பர்களும் உறவினர்களும் ஓரளவு உதவுவார்கள். 13-7-2015க்கு மேல் திருமணம் போன்ற சுப காரியங்கள் நிகழச் சந்தர்ப்பம் கூடிவரும். நல்லோர் தொடர்பு கிட்டும்.
தன யோகம் உண்டாகும். கூட்டாகத் தொழில் புரிபவர்கள் வளர்ச்சி காண வழிபிறக்கும். உத்தியோகஸ்தர்களுக்கும் தொழிலாலர்களுக்கும் அனுகூலமான போக்கு தென்படும். கணவன் மனைவி இடையே நல்லுறவு நீடிக்கும். தெய்வ காரியங்கள் நிறைவேறும்.
சகோதர, சகோதரிகளின் நலனில் கவனம் தேவை. உடன்பிறந்தவர்களை விட்டுப் பிரிய வேண்டிவரும். ஒருவருக்கொருவர் கருத்து வேற்றுமை கொள்ளவும் சண்டை, சச்சரவுகளில் ஈடுபடவும் கூடும். பங்காளிகளிடையே ஒற்றுமை குறையும் என்பதால் எச்சரிக்கையாக இருப்பது நல்லது. விட்டுக் கொடுத்துப் போவது அவசியமாகும்.
போட்டிகளில் வெற்றி காண அரும்பாடுபட வேண்டிவரும். மக்களால் பிரச்னைகள் ஏற்பட்டு விலகும். மாணவர்கள் படிப்பில் அதிக கவனம் செலுத்தி வருவது நல்லது. உழைப்புக்கு முக்கியத்துவம் கொடுப்பது அவசியமாகும்.
மொத்தத்தில் இந்தச் சனிப்பெயர்ச்சிக் காலம் அளவோடு நலம் தரும். தொழில் ரீதியாகச் சில நஷ்டங்களையும் கஷ்டங்களையும் சந்திக்க நேரலாம்.